22 кастрычніка адбылася літаратурна-музычная сустрэча “Усмешка восені ў паэзіі і музыцы” ў Народным доме Лудзы, арганізаваная мясцовым славянскім таварыствам “Радуга”.

   Тут са сваімі рознатэматычнымі вершамі выступілі даўгаўпілчане, сябры беларускага таварыства "Уздым", Лілія Воранава, Тамара Дарафеева і Станіслаў Валодзька. Яны чыталі   пра восень, Латвію, Латгалію і пра каханне.  Чытанне вершаў чаргавалася з выкананнем песень на рускай і латышскай мовах Жаннай Слядзеўскай (Малта), сярод якіх былі песні “Калі цвілі сады” і “Нідзе няма лепей”, перакладзеныя на беларускую мову Ліліяй Воранавай і Станіславам Валодзькам. Слухачы шчыра апладыравалі паэтам і спявачцы.

   Прысутныя мелі магчымасць азнаёміцца з выставай мастацкіх прац Тамары Дарафеевай.

   Па заканчэнні канцэрта за чаем вялася размова аб далейшым супрацоўніцтве таварыства “Радуга” і таварыства “Уздым”.

У нас завязалася новае сяброўства і творчыя стасункі з таварыствам “Радуга”. Да новых сустрэч!