Прыняўшы запрашэнне таварыства «ISK» aдзначыць Дзень Лачплесіса, Дзень абвяшчэння Латвійскай Рэспублікі, год знаёмства  і плённай працы з таварыствам  «Уздым», гурт «Натхненне» з вялікай радасцю ўдзельнічаў у святкаванні зорнага карагода святаў.

У прасторным, утульным памяшканні, атрыманым год таму  таварыствам «ISK»,  сабралася шмат членаў арганізацыі і гасцей. Удзельнікам інваліднага спартыўнага клуба  спатрэбілася шмат сіл, цярплівасці і сродкаў, каб ажыццявіць задуманае. А наперадзе яшчэ больш клопатаў і выдаткаў.

Перад прысутнымі выступіў кіраўнік таварыства Юрый Рагозін, які павіншаваў ўсіх з надыходзячымі святамі. Удзельнікаў мерапрыемства віншаваў   дэпутат гарадской думы  Ігар Аляксеяў.

Адгучалі цёплыя  словы віншаванняў, і пачаўся святочны канцэрт, які працягваўся больш двух гадзін з удзелам наша гурта «Натхненне».  Гучалі песні на беларускай і латышскай мовах на словы Райманда Паулса, паэта нашага таварыства “Уздым”  Станіслава Валодзькі («Ода бульбе»), а народныя песні гурт выканаў а капэла. Прагучала песня «Сіні лён» кампазітара Райманда Паулса на словы Альфрэда Крукліса на латышскай і беларускай мовах. Беларускі тэкст Ліліі Воранавай.

Вельмі спадабаліся прысутным песні на латышскай і беларускай мовах у выкананні Майі Калныні. Шмат гучала песен у выкананні членаў таварыства «ISK» пад гітару.

Прысутныя спявалі знаёмыя песні сумесна з выканаўцамі. Вельмі багата таварыства «ISK» на таленты! Ніхто не сумаваў, свята атрымалася выдатным! Дзякуем Вам, нашы сябры, за шчодры прыём і наша сяброўства. 

Віншуем Вас са святамі і жадаем моцнага здароўя, цярпення і павагі ад гаражан!

Матэрыял падрыхтавала

Лілія Воранава

Старшыня таварыства “Уздым”