Беларускае
культурна-асветніцкае
таварыства
Беларускае
культурна-асветніцкае
таварыства
Slider

16 мая 2020 года па ўсёй Латвіі энтузіясты выйшлі на вясновы суботнік. Акцыя чысціні “Вялікая талака” праводзіцца ў Латвіі ўжо ў 13-ы раз. Упершыню ў ёй прыняло ўдзел Даўгаўпілскае беларускае таварыства “Уздым”.

У гэтым годзе з-за надзвычайнай сітуацыі ў сувязі з каронавіруснай пандэміяй талака прайшла на месяц пазней, невялікімі групамі і з захаваннем пакладзенай дыстанцыі.

Таварыства “Уздым” адзначылася ва Упраўленні камунальнай гаспадаркі як удзельнік “Вялікай талакі” і атрымала блакітныя мяшкі для збору бытавога смецця, прыдатнага для перапрацоўкі. Месцам уборкі выбралі Новы Фарштат, напэўна, самы “беларускі” мікрараён Даўгаўпілса. Прыбіралі ўчастак, размешчаны паміж гаражамі і чыгункай на вул.Піекрастэс. З колькасцю мяшкоў не разлічылі - 20 штук напоўнілі літаральна за паўгадзіны. Калі сама вуліца Піекрастэс дагледжаная, то сцены гаражоў хаваюць ад старонніх вачэй велізарную колькасць пластыкавых бутэлек, поліэтыленавых пакетаў, бітага шкла, ануч ...

У беларусаў традыцыя талакі мае шматвяковую гісторыю. Усе разам касілі сена, жалі збожжа, прыбіралі лён, капалі бульбу, узводзілі хату ці дапамагалі адбудоўвацца пагарэльцам. А ў наш час - і ўборку робім разам!

З пачуццём выкананага абавязку і ў выдатным настроі актывісты “Уздыма” зрабілі фота на памяць і адзначылі: “Прыемна ўсведамляць, што наш любімы горад стаў крышачку чысцей і прыгажэй. Мы – за зялёны, чысты Даўгаўпілс!”

Лілія Воранава па гарачых слядах прысвяціла суботняй падзеі верш.

«Толока»

Нас собрала «Толока».

Чистить лес идем с утра,

По мешку в руках, перчатки,

Труд заменит нам зарядку.

В настроении отличном

Собрался «Уздым» тактично.

Город дружно поддержали,

Гору мусора собрали.

Расстояние в два метра,

Прихватив по три пакета,

Собирали дружно мусор,

Чистя лес и свои души.

Получили благодать,

Отдохнули и опять

Целый день мы убирали

И немножечко устали.

На эти добрые дела

Жанна всех нас собрала.

Лес убрали у Форштадта

Хлопцы наши и девчата.

Всем приятно отдыхать,

В чистоте лес содержать!

На Форштадте чтоб для нас

Отдых стал бы высший класс!

Лилия Воронова

Інфармацыя падрыхтавана:

Жанна Раманоўская, фота аўтара